Անդրանիկ Օզանյանի խճանկարը չի ապամոնտաժվել, այլ տեղափոխվել է` անվտանգության նկատառումներից ելնելով․ Արտենիի դպրոց

Անդրանիկ Օզանյանի նկարը չի ապամոնտաժվել, այլ տեղափոխվել է` անվտանգության նկատառումներից ելնելով, այս մասին հայտարարություն են տարածել Արտենիի միջնակարգ դպրոցից։

«Դպրոցի շենքի կոնստրուկցիայի առանձնահատկությունների և նկարի բետոնե հատվածի անհամապատասխանության հետևանքով առաջացել էին անվտանգության խնդիրներ։ Հնարավոր ռիսկերից խուսափելու և երեխաների անվտանգությունն ապահովելու նպատակով՝ վարչական շրջանի հետ համագործակցությամբ որոշում է կայացվել նկարը տեղափոխել Անդրանիկ Օզանյանի անվան փողոցում գտնվող Մշակույթի տան բակ, որտեղ էլ այս պահին կառուցվում է նահատակված զինվորների հուշարձան։

Հետագայում այդ տարածքի բարեկարգման ավարտից հետո պատկերը կտեղադրվի հանրության համար տեսանելի հատվածում»,- ասվում է հայտարարությունում։

Այս թեմայով Արտենի գյուղի դպրոցի պատից հեռացված զորավար Անդրանիկի նկարն արդեն փակցվել է մշակույթի տան պատին Թուրքերն ու ադրբեջանցիներն այս դեպքը հաստատ աննկատ չեն թողել. Այվազյանը` Անդրանիկի խճանկարը հեռացնելու մասին Արտենի գյուղի դպրոցի պատից հեռացված Զորավար Անդրանիկի նկարը գյուղացիները տեղադրելու են մշակույթի տան պատին