Եթե Թուրքիայի հետ պատերազմшկան իրավիճակ լինի, ռուսական 102-րդ ռազմաբազան կարող է դիմակայել ընդամենը 20 րոպե, տեղյա՞կ եք. Սարիկ Մինասյան

Ռուսական 102-րդ ռազմաբազան Գյումրիում, կարծում եմ՝ անվտանգային որևէ խնդիր չի լուծում: Տնտեսական առումով ինչ-որ աշխուժություն քաղաքում մտցնում է, բայց այստեղ մեկ հարց կա, լրագրողների հետ զրույցում ասել է «Քաղաքացիական պայմանագիր» խմբակցության պատգամավոր Սարիկ Մինասյանը:

«102-րդ ռազմաբազայի սպայական կազմը, ինչպես ՀՀ Զինված ուժերի սպայական կազմը, օրենքով սահմանված կարգով ազատված է գույքահարկից: Նրանք ունեն տրանսպորտային միջոցներ, գույքահարկ չեն վճարում, ինչպես հավասարեցված է ՀՀ ԶՈւ սպայական կազմերի իրավունքի հետ:

Եթե անգամ ինչ-որ չափով տնտեսական աշխուժություն կարող է մտցնել Գյումրու առօրյայում, նույն կերպ իրենք այդ գույքահարկը չեն վճարում, և եթե հաշվի առնենք, որ 102-րդ բազան ՌԴ-ն կամ ՌԴ նախագահը որոշի, որ պետք է դուրս գա, մեկը մյուսին կբալանսավորի, խնդիր չեմ տեսնում:

Ես որքան փորձել եմ հետաքրքրվել և ուսումնասիրել, 102-րդ ռազմաբազան, Աստված չանի, եթե Թուրքիայի հետ պատերազմական իրավիճակ լինի, ընդամենը կարող է դիմակայել 20 րոպե, տեղյա՞կ եք»-նշել է Սարիկ Մինասյանը։

Այս թեմայով 102-րդ ռազմաբազայի մասով դժգոհություններ լսել եմ. քաղաքական դաշտում քննարկվում է դրա նպատակահարմարության հարցը. Միրզոյան 102-րդ ռուսական ռազմաբազան` իրավական կարգավիճակից մինչև հանրային հնչեղություն ստացած աղմկահարույց միջադեպեր. «Հետք» Աշոտ Մինասյանը (Երկաթ) կալանքից ազատ արձակվեց