Հայոց ցեղասպանության զոհերի հիշատակին նվիրված նոր հուշահամալիր կտեղադրվի Կալիֆոռնիայի Իրվայն քաղաքում

2028 թվականի առաջին եռամսյակում Կալիֆոռնիայի Իրվայն քաղաքում նախատեսվում է Օրինջ շրջանի առաջին հանրային հուշահամալիրի հանդիսավոր բացումը՝ նվիրված Հայոց ցեղասպանության զոհերի հիշատակին։ Հուշահամալիրը կառուցվում է ԱՄՆ-ի հայ համայնքի նախաձեռնությամբ։
Այս մասին հաղորդում է orangecountyarmeniangenocidememorial.org-ը։
Աղբյուրի փոխանցմամբ, Հայոց ցեղասպանության հուշահամալիրը կկառուցվի Իրվայն քաղաքի «Great Park»-ի կենտրոնում, որպես Հայոց ցեղասպանության զոհերի հիշատակի և հայ ժողովրդի տոկունության ու հարատևության խորհրդանիշ։ Հուշահամալիրը, որի հիմքում հիշողությունն է, խորհրդանշելու է թե՛ ցավն ու կորուստը, թե՛ անսասան հույսը։ Այն նախատեսված է դառնալու մտորումների, կրթության և միասնության վայր։

Հուշահամալիրի բացումը նախատեսվում է Իրվայնի «Great Park»-ի «Heart of the Park» հատվածի բացմանը զուգահեռ, որը նախատեսված է 2028 թվականի առաջին եռամսյակում։

Հուշահամալիրի առանցքային հատվածը կլինի մոտ 3,35 մետր բարձրությամբ բրոնզե քանդակը, որը պատկերում է երեխային գրկած հայ մոր։ Բրոնզե քանդակի շուրջ կլինեն նաև թռչող կռունկներ։

Նշենք, որ նախագծի քանդակագործն է Լագունա Բիչից ճանաչված արվեստագետ Բրիտանի Ռայանը (Brittany Ryan), իսկ խճանկարի հեղինակը՝ Միա Տավոնատին (Mia Tavonatti)։

Այս թեմայով Ամենայն Հայոց Կաթողիկոսն ընդունել է Կաթոլիկ Եկեղեցու Տրիեստի թեմի հոգևորականներին Ամենայն Հայոց Կաթողիկոսն ընդունել է ԱՄՆ Հայոց Արևմտյան թեմի ուխտավորներին