Նոյեմբերի 11-ին ՀԱՊԿ երկրների ղեկավարները կարող են որոշում կայացնել Հայաստանի անդամակցության հարցի վերաբերյալ

Հավաքական անվտանգության պայմանագրի կազմակերպության (ՀԱՊԿ) անդամ պետությունների ղեկավարները կարող են Հայաստանի անդամակցության հարցը քննարկել նոյեմբերի 11-ին նշանակված Հավաքական անվտանգության խորհրդի առաջիկա նիստում։ Այդ մասին ՏԱՍՍ-ի հետ զրույցում հայտարարել է ՀԱՊԿ գլխավոր քարտուղար Թաալաթբեկ Մասադիկովը։

«Թվում է՝ Հայաստանը չի քննարկում։ Թվում է՝ նրանք չեն մասնակցում։ Բայց Հայաստանի ներկայացուցիչը շաբաթական մասնակցում է մշտական խորհրդի նիստերին, որտեղ նստում են ՀԱՊԿ անդամ երկրների մշտական ներկայացուցիչները», - նշել է Մասադիկովը։

Ըստ Գլխավոր քարտուղարի, Երևան կազմակերպությունից հնարավոր դուրս գալու հարցը կարող է դրվել Հավաքական անվտանգության խորհրդի նիստի օրակարգ։ Սովորաբար համապատասխան առաջարկը ներկայացնում է ՀԱՊԿ-ում նախագահող երկիրը կամ կազմակերպության մեկ այլ անդամ պետություն։
Աղբյուրի հաղորդմամբ, Մասադիկովը նաև հղում է արել ՀԱՊԿ կանոնադրության 25-րդ հոդվածին։ Նրա խոսքով՝ դրանով նախատեսված դրույթները, մասնավորապես, կապված են անդամավճարների չվճարման և քվոտայով նախատեսված պաշտոնները չլրացնելու հետ, ինչը կարող է նշանակել ձայնի իրավունքի բացակայություն։

Այս թեմայով Տեղումներ են սպասվում Հայաստանը հաղթեց «Մանկական Եվրատեսիլ»-ում Այսօր Հայաստանի 21 համայնքներում ՏԻՄ ընտրություններ են Ստեփանավանցին իր քվեով ցույց կտա` տեսանյութերով իրեն խաբելու բոլոր փորձերը դատապարտվելու են ձախողման. «Ուժեղ Հայաստան» ՀՀ բնակչության մինչև 15 %-ը կախված է ՌԴ-ից ֆիզիկական անձանց փոխանցումներից. Եվրասիական վարկանշային գործակալություն