Հայաստանի պետական սահմաններն ու քաղաքացիների անվտանգությունը բարձիթողի վիճակում են․ «Ուժեղ Հայաստան»

«Ուժեղ Հայաստան» կուսակցությունը դեռևս ամիսներ առաջ ահազանգում էր այն վտանգի մասին, որ գործող իշխանությունների վարած կործանարար քաղաքականության պատճառով ադրբեջանցիները կարող են անարգել, առանց որևէ խոչընդոտի ներթափանցել Հայաստանի սուվերեն տարածք։ Այս մասին հայտարարություն է տարածել կուսակցությունը։

«Այն, ինչի մասին նախազգուշացնում էինք ընտրությունների ժամանակ, տեղի ունեցավ ավելի արագ:

Նրանք այստեղ են՝ մեր տանը։

Սիսիանի տարածաշրջանի Շաքի գյուղում տեղի ունեցած վերջին դեպքը՝ ադրբեջանցի զինվորականի ներթափանցման վերաբերյալ տեղեկությունները և բնակչության շրջանում առաջացած ողջամիտ տագնապը, հերթական ապացույցն են այն բանի, որ Հայաստանի պետական սահմաններն ու քաղաքացիների անվտանգությունը բարձիթողի վիճակում են։

Գյուղացին այլևս իր տանը, իր հողում պաշտպանված չէ, իսկ պետական համակարգը գործում է միայն հետևանքներին արձագանքելու կամ տեղի ունեցածը մեղմելու ռեժիմով։

Խստագույնս դատապարտում ենք օրվա իշխանության այս մոտեցումը:

Նրանք զրկել են երկիրը անվտանգային հուսալի երաշխիքներից՝ միակողմանի զիջումներով և խաղաղության կեղծ օրակարգով անպաշտպան թողնելով սահմանամերձ բնակավայրերը»,-ասված է հայտարարության մեջ։

Այս թեմայով Ադրբեջանցի զինծառայողը լքել է իր ծառայության վայրը․ հարուցվել է քրգործ․ ադրբեջանական կողմը հաստատում է՝ իրենց անհետացած զինծառայողը ՀՀ-ում է Ադրբեջանցի զինծառայողի կրակոցից վիրավորվել է նաև տուժած կնոջ եղբայրը. Syunik News Ժամանակին ՀՀ-ում սա կոչվում էր «դիվերuիոն ներթափանցում», հիմա երևի կոչվում է «ռшզմական զբոսաշրջություն»․ Էդգար Ղազարյանը` Սիսիանում տեղի ունեցած դեպքի մասին Ադրբեջանցի զինծառայողի կրակnցից վիրավորված կնոջ կյանքին վտանգ չի սպառնում. ԱՆ Ադրբեջանցի զինվորը մտել է Շաքի գյուղի տներից մեկն ու վնասել տանտիրուհուն՝ 3 երեխաների ներկայությամբ