Թուրքիան և Ադրբեջանն ավելի քան 500 միլիոն դոլարի պաշտպանական պայմանագրեր են կնքել

Թուրքիան և Ադրբեջանը պաշտպանական արդյունաբերության արտադրանքի մատակարարման մի շարք պայմանագրեր են կնքել, ինչպես նաև ստորագրել են փոխըմբռնման հուշագիր, հաղորդում են ադրբեջանական լրատվամիջոցները։

Համաձայնագրերի ընդհանուր արժեքը գերազանցում է 500 միլիոն դոլարը, հայտնել է Թուրքիայի պաշտպանական արդյունաբերության նախարար Հալուք Գյորգյունը։

Ըստ նրա՝ համաձայնագրերը նախատեսում են Ադրբեջանին տարբեր ավիացիոն, անօդաչու, ռադարային և հրթիռային համակարգերի մատակարարում։

Մասնավորապես, թուրքական TUSAŞ ընկերությունը պայմանագիր է կնքել HÜRKUŞ ինքնաթիռների մատակարարման համար։ ASELSAN ընկերության հետ ստորագրվել է փոխըմբռնման հուշագիր՝ ALP-100 ռադարի մատակարարման վերաբերյալ։

Բացի դրանից, BAYKAR-ը Ադրբեջանին Mızrak պարեկող զինամթերք և Antidot համակարգ կմատակարարի։ ROKETSAN ընկերությունը պայմանագիր է կնքել Barbaros առափնյա պաշտպանական համակարգի մատակարարման համար։

Գյորգյունը հայտարարել է, որ ստորագրված համաձայնագրերը «կնպաստեն երկու երկրների պաշտպանական հնարավորությունների ամրապնդմանը»։

Այս թեմայով Թուրքական ընկերությունն Ադրբեջանում հիմնում է փամփnւշտների գործարան Ադրբեջանը Թուրքիային մեղադրել է իր դեմ հիբրիդшյին պшտերազմ վարելու մեջ․ ադրբեջանագետ Խեղճ ու խոցելի լինելով՝ դու միմիայն մեծացնում ես Ադրբեջանի ախորժակ․ Տաթևիկ Հայրապետյան «Պարբերաբար լինում են նման դրսևորումներ». Մհեր Գրիգորյանը՝ Բաքվի հռետորաբանության փոփոխության մասին. News.am (տեսանյութ) ՀՀ-ում սպասում են hակամարտության հետևանքով Ադրբեջանում անազատության մեջ հայտնված հայերի վերադարձին. Փաշինյան