ՌԴ-ն նոյեմբերի 4-ից հետո պատրաստ է վերսկսել ուկրաինական խնդրի կարգավորման շուրջ եռակողմ բանակցությունները. Ուշակով

Ռուսաստանը նոյեմբերի 4-ից հետո  պատրաստ է վերսկսել եռակողմ բանակցությունները ուկրաինական կարգավորման։ Այս մասին հայտնել է ՌԴ նախագահի օգնական Յուրի Ուշակովը:

Ուշակովը հիշեցրել է, որ Ռուսաստանը պատրաստ էր վերսկսել բանակցությունները Պետդումայի ընտրություններից հետո, որոնք անցկացվում էին սեպտեմբերի 18-ից 20-ը: Սակայն ուկրաինական կողմը խափանել է այդ պայմանավորվածությունը:
Հիշեցնենք, որ ավելի վաղ հաղորդվում էր, որ որպես եռակողմ խորհրդակցությունների հնարավոր հարթակ դիտարկվում է ԱՄԷ մայրաքաղաք Աբու Դաբին:

«Հիմա հերթական վերջնաժամկետը նոյեմբերի 4-ն է՝ մեր մեծ տոնը: Դրանից հետո մենք պատրաստ կլինենք վերսկսել բանակցությունները»,նշել  է Ուշակովը «Вести»-ին տված հարցազրույցում:
Նրա խոսքով, ընդմիջումից հետո ուկրաինական կարգավորման շուրջ եռակողմ բանակցությունների առաջին փուլը կրելու է «նախնական ծանոթացման բնույթ», և այդ հանդիպումից մեծ սպասելիքներ չպետք է լինեն:
Ինչ վերաբերում է Մայամիում սպասվող G20-ի գագաթնաժողովին ՌԴ նախագահ Վլադիմիր Պուտինի այցի հնարավորությանը, ապա դա կախված կլինի Շենչժենում ԱԽՏՀ գագաթնաժողովի (նոյեմբերի 18-19) արդյունքներից: Պուտինի, Սի Ծինփինի և Թրամփի հանդիպման նախապատրաստությունն արդեն սկսվել է:

Հիշեցնենք, որ ՌԴ նախագահ Վլադիմիր Պուտինն ավելի վաղ հայտարարել էր` ուկրաինական կարգավորման շուրջ բանակցությունները եռակողմ ձևաչափով վերսկսելու Ռուսաստանի պատրաստակամության մասին: Այդ բանակցությունների նպատակը նա անվանել էր վերջնական խաղաղ համաձայնագրերի հասնելուց հետո Ռուսաստանի և Ուկրաինայի անվտանգության երաշխիքների քննարկումը: Պուտինը նաև ընդգծել էր, որ այս հարցը քննարկելիս անհրաժեշտ կլինի խոսել նաև ընդհանուր առմամբ եվրոպական անվտանգության ճարտարապետության մասին:

Այս թեմայով Ուկրաինական հակամարտությունը մոտենում է ավարտին. Ուշակով Պուտինը հայտարարել է նոյեմբերին եռակողմ բանակցություններին ՌԴ պատրաստակամության մասին․ Ուշակով Ուկրաինայի և ԱՄՆ-ի բանակցությունները Մայամիում ավարտվել են ժամկետից շուտ