Գյումրու դպրոցականները` WRO Եվրոպայի բաց առաջնության հաղթող

Ռոբոտաշինության համաշխարհային օլիմպիադայի (WRO) Եվրոպայի բաց առաջնությունում Գյումրու «Գյումրի» մշակման լաբորատորիայի թիմն առաջին տեղն է գրավել։ Այս մասին տեղեկացնում է մրցույթի պաշտոնական կայքը։

ՀՀ դպրոցականները հաղթել են Future Innovators անվանակարգի ավագ տարիքային խմբում՝ ներկայացնելով ռոբոտ, որը սկանավորում է տպագիր գրքերը և դրանց բովանդակությունը վերածում աուդիոյի, տեսանյութերի ու սահիկաշարերի։
Նշենք, որ նախագիծը նախատեսված է տեսողության խնդիրներ և ընթերցանության դժվարություններ ունեցող մարդկանց, ինչպես նաև մեծածավալ գրականություն ուսումնասիրողների համար։
Թիմի կազմում ընդգրկված են  Սիլվի Խաչատրյանը, Էլեն Խաչատրյանը և Դավիթ Պետրոսյանը, նրանց մարզիչն  է Աշոտ Զիլֆիմյանը։
Հիշեցնենք, որ առաջնությունը, ավելի քան 200 թիմի մասնակցությամբ, անցկացվել է հոկտեմբերի 13-16-ը՝ Խորվաթիայի մայրաքաղաք Զագրեբում։ 
Հայաստանը ներկայացրել է 6 թիմ, որոնք հաղթել էին օլիմպիադայի ազգային փուլում։ Նրանցից երկուսը մասնակցել է Future Innovators, իսկ չորսը՝ RoboMission անվանակարգի մրցումներին։

Այս թեմայով Հայտնի են Հայաստանում անցկացված «Ծագող աստղեր» շախմատի միջազգային մրցաշարի վերջնական արդյունքները Գյումրին եղել և մնում է պետականության ու ազգային ոգու ամենաամուր հենարաններից մեկը, Գյումրին պետք է օրեցօր շենանա ու զարգանա. «Ուժեղ Հայաստան» Սողոմոն Թեհլիրյանի՝ աղմուկ բարձրացրած արձանի քանդակագործին շնորհվեց Գյումրու պատվավոր քաղաքացու կոչում. Aravot.am Կաշառք տալու և ստանալու դեպքերով ձերբակալվել է 8 անձ, այդ թվում՝ Գյումրու պետական երաժշտական քոլեջի ընդունելության հանձնաժողովի փոխնախագահը Վարդան Ղուկասյանի տնային կալшնքը ևս 3 ամսով երկարաձգվեց