Թրամփը հայտարարել է, որ ընտրություն է կատարում Իրանի հետ համաձայնագրի և «դրա դադարեցման» միջև

Թրամփը հայտարարեց, որ ընտրություն է կատարում Իրանի հետ համաձայնագրի և «վերջնականապես հարցը փակելու» միջև։ Այս մասին հայտնում է TASS-ը։

ԱՄՆ նախագահը նաև վերահաստատել է իր այն տեսակետը, որ նավթի գները կնվազեն, երբ ավարտվի Իսլամական Հանրապետության դեմ ԱՄՆ-ի և Իսրայելի ռազմական հակամարտությունը։
«Ես ընտրություն պետք է կատարեմ․ կա՛մ վերջ դնել դրան՝ ինչը շատ հեշտ կլինի, կա՛մ էլ գործարք կնքել», - ասել է նա Fox News-ին տված հարցազրույցում։

Ազբյուրի հաղորդմամբ, ԱՄՆ ղեկավարը նաև կրկնել է իր տեսակետն այն մասին, որ նավթի գները կնվազեն, երբ ավարտվի ԱՄՆ-ի, Իսրայելի և Իրանի մասնակցությամբ ռազմական հակամարտությունը։
Նշենք, որ հոկտեմբերի 24-ին Թրամփը կրկին ակնարկել է, որ կարող է որոշել նոր հարվածներ հասցնել Իրանին, եթե Վաշինգտոնին և Թեհրանին չհաջողվի գործարքի գալ։

Հիշեցնենք, որ փետրվարի 28-ին Միացյալ Նահանգները և Իսրայելը պատերազմ սկսեցին Իրանի դեմ։ Հունիսին Վաշինգտոնն ու Թեհրանը ստորագրեցին փոխըմբռնման հուշագիր, որը նախատեսում էր ռազմական գործողությունների անհապաղ դադարեցում բոլոր ճակատներում, այդ թվում՝ Լիբանանում։ Սակայն հուլիսի 8-ի գիշերը ԱՄՆ-ը վերսկսեց լայնածավալ հարվածները Իրանի ուղղությամբ՝ մեղադրելով վերջինիս Հորմուզի նեղուցի վերաբերյալ ձեռք բերված պայմանավորվածությունների խախտման մեջ։ Այդ նեղուցով է իրականացվում աշխարհի նավթի առևտրի մոտ 25%-ի և հեղուկ բնական գազի առևտրի շուրջ 20%-ի փոխադրումը։ Հետագայում ԱՄՆ վարչակազմը փաստացի ազդարարեց Իրանի դեմ լայնածավալ ռազմական ուժի կիրառման ավարտը՝ փոխարենը անցնելով երկիրը պատժամիջոցների միջոցով տնտեսապես խեղդելու փորձերին։